Turkiya prezidenti Rajab Toyyib Erdo‘g‘on 6-noyabr kuni Bishkekda bo‘lib o‘tgan Turkiy davlatlar tashkiloti sammitida O‘zbekiston va Markaziy Osiyoning boshqa davlatlaridan yagona turkiy alifboga o‘tishga tayyorligi to‘g‘risida qaror kutayotgani haqida bayonot berdi.
Erdo‘g‘on alifboning birlashtirilishi turkiy mamlakatlar o‘rtasidagi madaniy va siyosiy aloqalarni mustahkamlash uchun keng imkoniyatlar ochishini ta’kidlab, bu boradagi ishlarni faollashtirishga chaqirdi.
“Agar biz qiyinchiliklarni yengib, oʻzaro muammolarni hal qilsak, Turk dunyosi uchun tarixiy poydevor qoʻyishimiz mumkinligiga ishonaman, Turkiya, Ozarbayjon va Shimoliy Kiprda hamkorlik qilish kerak Hozirdanoq yagona turkiy alifboga oʻtishga tayyormiz, Qozogʻiston, Qirgʻiziston, Oʻzbekiston va Turkmaniston qarorini kutmoqdamiz”, - dedi Turkiya prezidenti.
Eslatib o‘tamiz, sentyabr oyida turkiy davlatlar vakillari lotin alifbosiga asoslangan yagona alifbo, jumladan 34 ta harfni yaratish masalasini muhokama qilgan edi. Uning har bir harfi turkiy tillarda mavjud boʻlgan turli fonemalarni ifodalaydi, bu esa umumiy alifbodan foydalangan holda fonetik rang-baranglikni saqlash imkonini beradi.
