Shavkat Mirziyoyev 22-noyabr kuni madaniyat va sanʼatni rivojlantirish, xususan, teatrlarni yanada qoʻllab-quvvatlash, jamiyat madaniy hayotidagi ahamiyatini oshirish boʻyicha takliflarni oʻrganib chiqdi, deb xabar qildi prezident matbuot xizmati.
Xususan, 2025–2030-yillarda xalq qahramoni, inson sha’ni va qadr-qimmati mavzusiga bag‘ishlangan 32 spektakldan iborat sikl yaratish rejalashtirilgan. Sahna asarlari, dramaturgiya va rejissyorlik ishlarini qo‘llab-quvvatlash maqsadida dramaturglar uchun Mahmudxoji Behbudiy mukofoti va yosh rejissyorlar uchun Bahodir Yo‘ldoshev mukofotini ta’sis etish taklif etilmoqda.
Bundan tashqari, “Nigoh” ijodiy loyihasini yoʻlga qoʻyish, akademik musiqa boʻyicha kompozitorlar tanlovini oʻtkazish taklif etilmoqda. Xalqning teatr va san’at haqidagi amaliy bilimlarini kengaytirish maqsadida mamlakatimizda aktyor va teatr rejissyorlari, teatr mutaxassislari, san’atshunoslar uchun mahorat maktablari tashkil etiladi. Dramaturg va tanqidchilarni qo‘llab-quvvatlash maqsadida mamlakatimizda ularning klublarini tashkil etish rejalashtirilgan.
