Qozog‘ston maymunchechakning olib kirilishining oldini olish maqsadida aeroportlar va chegara o‘tish joylarida sanitariya va karantin choralarini kuchaytirdi, deb xabar bermoqda Respublika Sog‘liqni saqlash vazirligi matbuot xizmati.
Sog‘liqni saqlash vazirligi kasallik holatlari qayd etilgan mamlakatlarga sayohat qilishni rejalashtirayotgan fuqarolarga ehtiyot choralarini ko‘rishni tavsiya qildi. Qozog‘stonning o‘zida maymun chechak bilan kasallangan birorta ham holat aniqlanmagan. Vazirlik mutaxassislar vaziyatni kuzatib borishini va har qanday o‘zgarishlarga tayyorligini ta’kidladi.
Avvalroq Qozog‘ston maymunchechakni aniqlash uchun PCR testlarini sotib olgani xabar qilingandi. Tez orada yetkazib berish kutilmoqda. Respublika Sogʻliqni saqlash vaziri oʻrinbosari Timur Sultongaziev taʼkidlaganidek, nazorat COVID-19 ga qarshi kurash tajribasiga asoslangan.
15 avgust kuni JSST maymunchechak epidemiyasini ikki yil ichida ikkinchi marta global favqulodda holat deb e'lon qildi. Ikki yil avval bu kasallik 100 dan ortiq davlatni qamrab olgan edi. O'shanda 100 mingga yaqin odam kasal bo'lgan. Yangi shtamm mutant virus bo'lib, odamdan odamga yuqadi. 2024 yilda faqat Afrikada 40 ming kasallik holati aniqlangan va 1,5 ming kishi vafot etgan.
